Textes et Documents » Catégorie : Textes en créole
📂 Mesaj Nwèl 2018 Konferans Evèk Katolik peyi Dayiti
📅 Texte publié le mardi 11 décembre 2018 à 14h25
Texte reçu le 10 décembre 2018
« Lè tan an rive bout, Bondye te voye Pitit li a, ki te soti nan vant yon fi, ki te fèt anba Lalwa pou sove sila yo ki anba lalwa, yon fason pou l te fè nou favè vin pitit Bondye » (Galat 4,4-5).
1. Se ak gwo kokennchenn mo sa yo Sen Pòl sèvi nan lèt li ekri moun Galat yo, pou l pale sou entèvansyon Bondye fè pou l sove ras lèzòm. Sen Jan, bò kote pa l, prezante fason entèvansyon sa a fèt ak yon bèl ti pawòl tou kout : « Li monte tant li nan mitan nou » (Jan 1, 14).
2. Pitit Bondye a rebay moun ki pa t ka sove tèt li, konfyans. Li fèt sanble ak moun. Li aksepte viv menm jan ak li, sòf peche li pa t konn fè (cf. Ebre 4, 15). Li monte tant li bò kote pa moun, yon fason pou moun ka tounen jwenn fyète l, grandè l ak diyite l nan konfyans. Kèlkeswa non mal la pote, Bondye pa kite moun nan kontinye plonje pi fon ladan l. Li vin pote l sekou pou ede l soti nan twou li te tonbe a, yon mannyè pou l ka gen konfyans nèt ale nan fòs Sila a ki sove l la.
3. Pitit fi ak pitit gason Ayiti k ap viv anndan tankou deyò peyi a, nou salye nou avèk anpil renmen. N ap pare nou pou n fete Nwèl, kise gwo evènman kote Jezi, Pitit Bondye a, sovè nou an, te vin fèt nan mitan nou. Jodi a ankò, nan tan nap viv la, li vin plante tant li nan mitan nou. (suite…)
📂 Nòt pou laprès ki sòti nan Konferans Evèk Katolik nan peyi Ayiti
📅 Texte publié le dimanche 1er octobre 2017 à 20h55
À lilavoix, le 27 septembre 2017
Frè ak sè nou yo, ak tout moun nòt sa a rive jwenn!
1.- Nous menm Evèk Katolik nan peyi a, nou salye nou nan non Bondye lavi a. Antan nou reyini nan Lilavwa depi 25 pou rive 29 septanm, nou te pran tan lapriyè epi reflechi sou sa kap pase nan peyi a.
2.- Rèl pèp la rive nan zorèy nou, e li touche nou nan fon kè nou. Nou te koute tou Prezidan peyi a ki te vin vizite Evèk yo kote yo konn reyini nan Lilavwa jou ki te mèkredi 27 septanm nan. Sa fè nou sonje sa Konsil Vatikan e di: « Tout sa ki touche moun, ki fè l soufri, tout kè kontan an dlo nan je, tout tray ak lespwa pèp la dwe sonnen nan kè nou » (Gaudium et Spes #1). (suite…)
📂 Nòt Konferans Evèk Katolik Ayiti yo (CEH) sou solisyon kriz eleksyon yo pou ane 2015-2016
📅 Texte publié le lundi 1er février 2016 à 19h04
l – Konferans Evèk Katolik Ayiti yo te reyini pou yon asanble espesyal. Li wete chapo l devan kouraj Pèp Ayisyen an montre li genyen nan jou sa yo ki tèlman difisil pou sa ki gade reyalite sosyal, politik ak ekonomik peyi a.
2- Kèk aktè politik ki angaje nankriz koulye a te sèlman mande Konferans Evèk yo, pou’l ede youn pale ak lòt epi tabli dyalòg nan mitan yo. Konferans Evèk yo te fè sa pou debloke kominikasyon ki te difisil oubyen ki te parèt enposib; gen lòt enstitisyon ak moun ki te fè menm bagay la. Aktè politik sa yo te travay pou jwenn yon solisyon negosye pou sòti nan kriz sa a. Yo te bay kèk pwopozisyon ki sèvi kòm baz yon akò nan yon tèks ki ta merite konplete. Genyen anpil lòt pwopozisyon pou sòti nan kriz sa a kap sikile. Yo montre kijn anpil moun gen gwo tèt chaje sou jan yo pral dirije peyi a apre dat 7 fevriye a. (suite…)
📂 Mesaj Konferans Evèk Peyi d Ayiti yo pou Fèt Nwèl la 2014
📅 Texte publié le mardi 2 décembre 2014 à 13h30
Texte reçu le 1er décembre 2014
1. « Men lè tan an rive bout, Bondye voye Pitit li a, ki fèt sòti nan vant yon fi. » (Galat 4,4)
2. Nou menm Evèk Peyi d Ayiti, nou reyini nan Asanble plenyè, epi nou voye mesaj sa a pou tout pè, frè, mè, disip misyonè Jezikri, pèp Bondye ki nan peyi d Ayiti, tout moun, gason kou fi, ki gen bòn volonte : Benediksyon ak lapè nan Kris la!
3. Pandan n ap prepare nou pou n selebre jou Kris la te fèt nan mitan nou, li menm Pitit Bondye a ki vin tounen tou pitit yon fi, lè l pran chè nan chè nou. Depi lontan lontan, Bondye te prepare jou sa a. Se li menm tout tè tap tann. Epi, tankou Abraram, sa te fè kèl kontan anpil. (Gade Jan 8,56)
4. Sitiyasyon lavi sosyal, politik ak relijye nan epòk Jezi a te gen anpil latwoublay. Te gen gwoup moun ki tap batay kont lot gwoup moun, gwoupman politik yo te youn anfas lot, divizyon nan zafè larelijyon, epitou se etranje ki tap kontrole peyi a : men nan ki eta peyi kote Jezi te fèt la te ye. Men tou, se konsa tan an te ye!
- Tan an ki te bon nèt pou simaye Bon Nouvèl la!
- Tan an ki te pote lesperans ak yon chanjman total kapital!
5. Jezi li menm menm te montre kijan misyon l te makonnen ak tan kote l t ap viv la, pandan l tap anonse : « Tan an rive, peyi kote Bondye wa a toupre. » (Mak 1,15) (suite…)