Textes et Documents » Catégorie : Textes en créole

📂 Kijan pou netwaye telefòn mobil ou nan tan KOVID-19 sa a

📅 Texte publié le mardi 24 mars 2020 à 10h24

Nan tan KOVID-19 sa a, tout sa ou touche dwe pwòp. Telefòn mobil, se youn nan bagay ou touche plis nan yon jounen. Ekran anpil ladan yo fèt ak yon glas espesyal yo rele Gorille, yon glas ki  mens, leje e rezistan. Pa bliye ke sou glas ak plastik, viris la ka rete vivan jiska 3 jou. Epitou, gen yon etid ki montre ke pafwa ekran yon telefòn mobil gen 7 fwa plis jèm pase yon bouch twalèt. Se pou sa, fò nou kenke li toujou pwòp. Nou dwe netwaye l omwen yon fwa nan yon jounen ou plis pase sa a si gen lòt moun ki sèvi oubyen konn sèvi ak li. (suite…)

...lire le texte »»

📂 Kovid-19: Konbyen tan viris la ka rete vivan?

📅 Texte publié le vendredi 20 mars 2020 à 11h34

Kowonaviris la rive nan peyi Dayiti. Se sa Prezidan Jovenel Moise te di nan yon konferans pou laprès li te bay yè jedi a ki te 19 mas 2020 la. Gouvènman Ayiti a, devan reyalite sa a, deklare yon eta dijans: Lekòl fèmen. fontyè a fèmen an pati, gen kouvrefe, san pale de lòd pou evite gwo rasanblman.

Ayiti Referans ak Ajans nouvél yo rele Reuters a pibliye tèks sa pou enfòme konpatriyòt nou yo sou konpòtman viris la lè li ap sikile nan lè a oubyen lè li poze sou yon sifas. Konsa yo ka pran prekosyon pou evite trape l:

(suite…)

...lire le texte »»

📂 Kowonaviris la (Kovid-19): Pwoteje tèt ou ak lantouray ou

📅 Texte publié le mardi 10 mars 2020 à 17h47

KOVID-19  se yon maladi ki komanse nan peyi Lachin. Men kounyeya li rive nan anpil lòt peyi e ou jwenn tras li sou tout kontinan yo. Li deja touye anpil moun.

Anpil moun ki enfekte ka pa gen sentom ki grav. Kidonk y ap geri, si yo swiv konsèy moun ki save nan zafè medsin e lasante. Men gen moun ki ka gen yon fòm maladi a ki pi serye. Toulede gwoup sa yo ka pase l bay lòt. (suite…)

...lire le texte »»

📂 Konferans relijye ak relijyez Dayiti: Nòt pou laprès

📅 Texte publié le vendredi 18 octobre 2019 à 19h16

Texte reçu le 18 octobre 2019

Pòtoprens, jou 17 oktòb 2019

« Bondye wè soufrans Pèp li a, li tande rèl li anba moun k ap peze l yo, paske li konnen doulè yo » (Ex 3,7)

Nan menm liy dènye mesaj nou an jou lendi 30 sektanm kote nou te mete vwa nou ansanm ak tout sektè kle nasyon an, ak tout moun ki refize kòripsyon, byen san swe, kontrabann, pou ekzije dirijan nou yo rekòlte sa yo simen epi fè yon jès bon konprann, pou yo koute vwa pèp la ki se vwa Bondye.

  • Lè nou konsidere jodi a kriz imanitè san parèy peyi nou an preske tonbe ladan l nan
  • Lè nou konsidere kriz sa a se rezilta yon kriz ki pi fon toujou ki touche fondalnatal sa nou ye kòm pèp sou plan: Politik, economik ak relijyez.
  • Lè nou konsidere tout enstitisyon repiblik la (Ekzekitif, Lejislatif ak Jidisyè) fin delabre, san nou pa bliye responsbilite elit entèlektyèl ak ekonomik yo nan mennen peyi nan sityasyon malouk sa a. (suite…)
...lire le texte »»

📂 Diskou Jan Enri Seyan (Jean-Henry Céant) sou Sitiyasyon kriz la

📅 Texte publié le dimanche 17 février 2019 à 22h58

Pèp Ayisyen,
Konpatriyòt nan tout 4 kwen peyi a,
Konpatriyòt ki nan dyaspora a,
Frèm ak Sèm yo :

Sa fè 10 jou depi peyi a ap viv yon moman difisil, yon moman ki bay anpil kè sote ;Sa fè 10 jou depi timoun yo paka ale lekòl, lopital yo paka bay laswenyay, gwo biznis ak ti biznis paka fonksyone ;

Sa fè 10 jou tou depi Leta ap pèdi anpil lajan. An menm tan tou, popilasyon an soufri anpil. Akòz wout ki bare, li paka jwenn dlo potab, li paka jwen manje, li paka jwenn gaz, li prèske pa jwenn kouran. Tout sa ki ka mennen nou dirèk dirèk nan yon grav kriz imanitè ;

Sa fè 10 jou depi kèk nan frè ak sè nou yo ap pèdi lavi yo nan sikonstans ki revòlte nou tout. Se avèk anpil kè sere m’ap pwofite voye senpati m pou tout kategori moun, espesyalman polisye ki tonbe yo.

Kòm papa pitit ki konn doulè paran, mwen voye yon panse espesyal pou manman jenn ti gason sa a, Roberto Badjo THELUSMA ki mouri devan lopital jeneral pandan li t’ap ede manman li nan ti aktivite komès li. Si m tounen 40 lane annaryè, mwen sonje tou kijan m te konn ede manman m nan komès vyann li t konn fè nan mache Kwabosal. Men Jodia mwen se Premye Minis, kidonk, pèsonn pa konnen kisa Roberto Badjo Thelusma te ka vin ye nan peyi sa a. (suite…)

...lire le texte »»