Nòt Acheveche Pòtoprens [ki deplore zak vyolans nan Komin Gresye]

📅 Texte publié le mercredi 3 juillet 2024

👁 Suivez-nous sur Bluesky

Nou resevwa teks sa a jou kite 2 jiyè 2024

senbòl Acheveche Pòtoprens laAcheveche Pòtoprens deplore kalte zak vyolans san non moun ak gwo zam ilegal komèt epi kontinye ap komèt nan komin Gresye tanko lòt kote nan peyi a: yo touye plizyè noun nan komin sa a, yo eseye boule komisarya polis la, epi yo kidnape kire pawas Sen Jan Batis ki nan Gresye a, Pè Emmanuel Saintéliat, ki pa t janm kouri kite kominote sa li ap gide pou kont li e ki toujou disponib pou sèvi tout moun [Nòt: libere nan aswè 2 jiyè].

Zak vyolans sa yo montre aklè kijan gen zòn nan rejyon Pòtoprens la ki toujou pa sou kontwòl Leta ni fòs lòd yo, sa montre tou kijan nou rete bra kwaze ap viv nan prizon kote malè sa yo fèmen nou an, antan y ap minen sosyete a. Pandan l ap di jan li endinye devan zak sa yo ki vyole dwa moun k ap viv nan peyi a, Acheveche Pòtoprens la ap raple, li toujou bò kote viktim yo ak fanmi yo. N ap lapriyè epi fè tout sa nou kapab pou nou jwenn liberasyon Pè Emmanuel Saintéliat preseprese, epi n ap pwofite fè otorite Leta yo sonje kijan yo dwe aji vit pou mete yon fren nan sitiyasyon vyolans sa a, epi bay tout moun dwa yo pou yo viv nan peyi a.

Se pou Bondye vin ede nou. Se pou l veye sou Ayiti. Se pou l veye sou pèp li a.

Nòt sa fèt Pòtoprens, jou ki 1e jiyè 2024 la.

Pou Sèvis kominikasyon Achidyosès Pòtoprens la,

Pè Marc Henry Siméon
————
Direktè Sèvis kominikasyon Acheveche Pòtoprens

📂 Textes Similaires:

  1. Mesaj Monseyè Max Leroy Mésidor, Achevèk metwopoliten Pòtoprens, apre ensidan ki te pase jedi 13 avril la
    Teks sa se transkripsyon yon adrès ke Monseyè Max Leroy Mésidor, achevèk Pòtoprens, te bay après zak briganday e kidanapin moun ak gwo zam te fè apre yon mès ki li t ap selebre jou ki te jedi 13 avril 2023. Nan adrès sa a Monseyè, pandan li t ap prezante senpati pa fanmi viktim yo, denonse sitiyasyon peyi ap viv la, kote pèsonn moun pap viv ak kè poze. Li pwofite mande moun nan Leta yo ak moun ki gen gwo zam yo ki sa dèyè tèt yo, ki pwojè yo genyen pou yo blije ap touye, fè krazebrize...
  2. Note de l’Archevêché de Port-au-Prince [déplorant les derniers actes de violence dans la commune de Gressier]
    Ce texte est une note émanant du directeur des services de communication de l’Archevêché de Port-au-Prince et rendue publique le 1er juillet 2024. Dans ce document, les responsables de l’Archevêché dénoncent les actes de violence commis par des bandits armés à Gressier, une municipalité au sud-ouest de la capitale. Ces bandits ont attaqué le commissariat de police de la zone et ont, une fois de plus, semé la peur dans le cœur de la population de cette commune. Église catholique se retrouve elle-même victime, car l'un des membres de son clergé, le père Emmanuel Sainteliat, a été pris en otage...
  3. Nòt Evèk Katolik Peyi Dayiti yo kont kidnapin
    Se yon nòt Evèk Kalotlik Ayisyen a fè sòti pou denonse kidnapin ki ap fèt chak jou nan nan peyi e ki boulvèse lavi pèp Ayisyen. Bandi kidnapè yo atake tout sektè, moun tout laj, ata timoun senkan. Fanmi viktim yo peye lajan anvan yo lage yo si yo pa gentan touye yo. Anpil moun yo kidnape yo rete make paske yo te imilye yo, genyen yo vyole oubyen maspinen. Evèk yo mande pèp kretyen a pou yo fè yon sèl jedi ki ap15 avril e di se twop sa......
  4. Nòt Konferans Evèk Katolik Peyi Dayiti Yo ki pote dat 20 avril 2021
    Devan sitiyasyon sa a, nou dwe aji kòm kretyen epi kòm sitwayen konsekan, pitit menm Nasyon. Poutèt sa, nan tèt kole avèk CHR (Konferans Ayisyen Relijye yo), nou deside yon lòt fwa pou tout lekòl katolik, prezbiteral, kongreganis, inivèsite ak tout lòt enstitisyon (sof Lopital ak Sant Sante yo) kanpe travay pandan twa jou : mèkredi 21, jedi 22, ak vandredi 23 Avril la......
  5. Note de l’Archevêché de Port-au-Prince: Enlèvement à l’issue d’une messe célébrée par l’Archevêque le 13 avril 2023
    Dans une note datée du 14 avril 2023, le bureau de communication de l'Archidiocèse de Port-au-Prince en Haiti annonce et exprime son indignation après un acte d'enlèvement perpétré par des hommes armés, à l’issue d'une messe célébrée par l'Archevêque de Port-au-Prince à l'Oratoire saint Charbel, dans la commune de Pétion-Ville.....