Diskou premye minis defakto a, Ariel Henri, apre 3 jou mobilizasyon kote anpil moun mande pou li bat chalbarik li
📅 Texte publié le jeudi 8 février 2024
Bluesky✍ Note de Haiti-Référence:
Le texte suivant est une transcription du discours prononcé par le premier ministre de facto, Ariel Henry, après que le peuple lui eût signifié qu’il est temps pour lui de partir et ce, selon l’Accord du 21 décembre 2022 (Le Moniteur. 178è Année, Spécial No 1, Mardi 3 janvier 2023) qu’il avait lui-même endossé.
Pendant 31 mois, il a occupé la primature avec le support du CORE group sans se montrer à la hauteur de cette position de gouvernance et de confiance. Les gangs se sont multipliés avec des membres qui affichent une audace terrorisante, pillant, violant, tuant, sans mentionner les prises d’otages qui deviennent monnaie courante. Et pourtant il assimile, dans ce discours, les participants aux trois jours de mobilisation, sans aucune exception, à des éléments qui veulent uniquement détruire le pays. Il ne fait aucune mention des groupes criminels jouissant d’une apparente immunité, et qui détruisent quotidiennement tous les pans de la société haïtienne, forçant souvent les gens à fuir leurs quartiers.
En écoutant son discours, diffusé sur les réseaux sociaux aux premières heures du jeudi 8 février, quand la majorité des Haïtiens dormaient, on peut facilement déduire que ce premier ministre et son gouvernement ne maitrisent pas la situation, à moins qu’ils soient vraiment des ignorants et des incompétents.
Pour eux, la solution aux problèmes de sécurité viendra de la présence sur le terrain d’une force internationale, à défaut d’une acceptation morbidement naïve, de la part de tous, du statut quo. Or compter sur des forces étrangères pour assurer la sécurité de son peuple à l’intérieur de son territoire est une abdication de la souveraineté du pays qu’on est appelé à gérer. D’un autre côté, aucune empathie envers les victimes de la criminalité visqueuse des gangs ne transpire dans ce discours, qui ne contient d’ailleurs aucun projet de redressement de la situation dénoncée par tous les Haïtiens. L’empathie, est d’ailleurs la seule projection émotionnelle admise dans la politique, et est souvent l’un des paramètres permettant d’identifier le leader qui se soucie de son peuple et de la chose publique.
Après avoir écouté ou lire le discours, on ne peut ne pas se sentir, comme Haïtien, au mieux gêné devant de telles balivernes, ou au pire insulté, parce que le premier ministre de facto semble nous prendre pour des imbéciles.
Le discours accompagné d’un fichier audio
Enregistrement audio du discours:
Ayisyèn, Ayisyen
Sitwayèn, Sitwayen,
Sè m ak frè m yo,
Bonswa,
Mwen vin pale avèk nou jodiya pou m voye yon mesaj klè bay tout moun k ap viv nan peyi a, kit yo se Ayisyen, kit yo se etranje. Mesaj sa a konsène tou frè ak sè nou yo k ap viv lòt bò dlo.
N ap eksprime senpati nou pou tout moun ki viktim mouvman vyolans nan jou ki sot pase la yo. Mwen kwè lè a rive pou nou tout pran desizyon pou nou mete tèt nou ansanm tout bon vre pou nous sove Ayiti, pou nou fè bagay yo yon lòt jan nan peyi nou an.
Nan peyi nou an, li pa toujou fasil pou rasanble moun pou fè bon bagay, pou konstwi ansanm, pou sèkle, pou plante. Mobilize moun pou fè tèt ansanm mande anpil pasyans, anpil volonté, anpil detèminasyon. Epoutan, sèl solisyon pou rive retire peyi a nan katchouboumbe li ye a, se antann pou nou antann nou, pou fè tèt ansanm nan mitan tout Ayisyen otantik ki gen bòn volonte.
Mwen vle pwofite dat senbolik 7 fevriye a, ki reprezante, pou tout Ayisyen, yon jou delivrans, yon jou liberasyon, pou mwen mande tout jèn fanm, jèn gason e sila ki mwen jèn yo tou, kisa nou vle fè ak peyi Dayiti nou an?
An 1987, pèp ayisyen te pran pozisyon klè e li chwazi demokrasi kòm sistèm politik pou li mete dirijan nan tèt peyi a. Aktè politik yo, manm sosyete sivil yo, militan ak òganizasyon popilè yo, moun sektè prive yo, peyizan yo, manm sendika yo, lè a rive pou nou ofri peyi a, pou nou ofri jèn jenerasyon yo yon lòt avni.
Mwen ta renmen tout konpatriyòt mwen yo, isit tankou lòt bòt dlo, konprann sa. Travay prensipal yon gouvèn tranzisyon se kreye kondisyon pou òganize eleksyon, pou bay pèp ayisyen dwa granmoun li, pou li chwazi an tout libète fanm ak gason li vle remèt direksyon peyi nan tout nivo. Yon tranzisyon paka debouche sou yon lòt tranzisyon.
Frè m, Sè m yo, m ap di nou yon bagay. Fò nou pa twonpe nou sou advèsè. Advèsè pèp ayisyen an se pa lapolis k ap travay san pran souf pou kraze ensekirite. Advèsè pèp ayisyen an se pa gouvènman an ki ap fè tout sa li kapab pou li bay fòs sekirite nou yo plis mwayen, plis ekipman pou li regle sa ki pwoblèm nimewo 1 nout tou jodiya, kise pwoblèm ensekirite a. Tout moun ki refize dinamik ki pou mennen nou nan chemen eleksyon, tout moun ki deside se nan vyolans, nan kraze brize, nan touye moun pou yo pran pouvwa, se pa nan enterè pèp ayisyen y ap travay.
Mezanmi, pèp ayisyen bezwen lapè. Pèp ayisyen bezwen sekirite. Pèp ayisyen bezwen travay. Pèp ayisyenbezwen sikile lib e libè pou regle zafè l. Pèp ayisyen an bezwen pou pitit li al lekòl san kè sote paske se sa ki ap garanti yo yon avni.
Chè konpatriyòt, depi pwoblèm ensekirite a kòmanse regle, wè pa wè, n ap lanse pwosesis elektoral la pou nou remèt pouvwa a bay dirijan pèp ayisyen ap gen pou l chwazi nan bon jan eleksyon. Depi jou mwen te antre kòm premye minis, mwen kòmanse pale ak tout moun : pati politik, sektè prive, sektè sendikal, sosyete sivil, òganizasyon popilè. Mwen te toujou vle e m ap kontinye chache rekonsilyasyon ak tout Ayisyen ki vle peyi nou an vanse. Mwen toujou angaje nan yon demach enklizyon, Mwen pa nan esklizyon paske Ayiti bezwen tout pitit bòn volonte li yo, kit se sa ki isit, kit se sa ki lòt bò dlo, pou nou fè yon gwo konbit pou nou sòti peyi Dayiti a nan malsite.
Frè m ak sè m yo,
Gouvènman an te mande peyi zanmi nou yo pou te vin bay fòs sekirite nou yo yon bourad pou konbat gang e fini ak fenomèn ensekirite an. Peyi Kenya aksepte misyon an. Mwen vle rasire tout moun, gouvènman ap fè tout sa li kapab pou misyon sa a vini rapidman. Men annatandan, n ap fè anpil efò pou nou ranfòse kapasite entèvansyon tout fòs sekirite legal nou yo. Nou genyen pou nou wè rezilta yo.
M ap pwofite remèsye tout fòs lòd nou yo pou pwofesyonalis yo, pou sanfwa yo, pou kouraj yo nan travay y ap fè, nan nwit kou lajounen, pou bay popilasyon an sekirite. Gouvènman an fè anpil jefò pou ba yo plis mwayen, plis ekipman. M ap felisite yo e di yo pèp ayisyen an konte sou yo. Yo bay prèv ke nou gen kapasite pou nou bay rezilta e nou pral kontinye travay nan sans sa a.
Mwen vle voye yon gwo kout chapo pou majorite lajman laj pèp ayisye an, pou matirite e pou sajès li paske li pat kite pèsonn vire lòlòj li. M ap felisite tou, tout responsab politik ki chwazi pou pou yo pa antre nan mouvman vyolans la. Depi demen, m ap kontinye dyaloge ak yo, ak sosyete sivil la e ak sektè prive a pou nou pran ansanm tout desizyon k ap pèmèt nou sòti tout bon nan kriz la.
Ma p fini pou m di tout moun Okay, Jeremi, Wanament, Gonayiv, Tigwav, Mibalè, Ench, Pòtoprens, gade kal yo. Gouvènman an ak tout fòs sekirite nou yo ak travay pou aktivite nou yo ka reprann nòmalman. Mwen ban ou asirans pèp ayisyen ap fini pa jwenn lapè, devlopman, ak pwoperite. Ansanm, men nan lamen, n ap chanje desten nou.
Ke Bondye beni pèp ayisyen e beni Ayiti.
Ariel Henry
Premye minis [de fakto]
7 fevriye 2024